سامح الامير الحزين
Admin
عدد الرسائل : 116
العمر : 36
تاريخ التسجيل : 05/10/2007
 | موضوع: لــووكـ للعيـد [محتآرهـ فكيآجكـ تعآلــي هنآ}..  الخميس أكتوبر 18, 2007 4:32 pm | |
| مرحبآآ حبآيبي..
بمنآسبة العيــد..
اهم واحلآ حآجه هي الميــكـ أبــ <<فور مــي.gif)
وآكيـد فيه كثيــرمن البنآتـ يعآنونـ في وضع المكيآج ..}
من نآحية الطريقه والالوآنـ والشي الي منآسبـ وطريقة الدمج ووو..الخ
اخترتلــكمـ عضوآتـ نهـر وبمنآسبة العيد ميــكـ آب..
والحلو فيه ان خطوه بخطوه معآكـ..
وبحآولـ احط اكثــر من لــوكـ
لان البنآتـ اذوآق..
ووممكـن نختلفـ في أذوآقنآ..}
آمممم ,,
اهمـ شي يكونـ فيه تفآعلـ منكـمـ .gif)
وحآولـوآ التطبيق حتــى لو كآنـ بمآرآتـ غير ...المهم
ان الموآد الاسآسيه متوفره ..
وبتشوفون بالصور كلـ شي,,يعني مآعلينآ الا التطبيــق..^_*
وابغى آرآئكمـ بالالوآنـ والشكـلـ بعد ماتجربوآ : )
\
حياكم الله ,,
ونبدأ مع الشرح بالخطوات والصور
أولاً : البشرة لازم تكون نظيفة تماماً تغسل بالماء والصابون الخاص بنوعية البشرة ,, بعد كذا تنظف بالحليب لإزالة البقايا من الميك اب الي داخل المسام ,,,, ثم ترطب البشرة بكريم مرطب وأنا جربت الميلك
من لانكوم مرة حلو ينفع للتنظيف والترطيب بآن واحد يعني لو نظفتي فيه اكتفي به عن المرطب,,, وممكن
نستخدم مرطب كلارينس هذول الي جربتهم ,, طبعاً بعد المرطب تترك البشرة خمس دقائق لتجف من المرطب
ويدخل بأعماقها حتى يحميها من ترسبات الأساس وطبعاً يهيئ البشرة لعمل الميك أب ,,,,,
وهذي الصورة بعد تنظيف البشرة .. طبعاً الصورة مسروقة من موضوع لأختي ميك اب ارتيست الله يجزاها خير اتمنى تعذرني بس والله مالقيت صورة واضحة وحلوة مثلها للشرح ,,,
ثانياً : بعد ماتجف البشرة من المرطب نضع البيس وهو القاعدة لكريم الأساس وانا ارشح بيس كريولان بصراحة روعة
وهالبيس ممكن يستخدم بروحه يعني ماتحطين عقبه كريم اساس لأنه يفتح بس ماينفع للسهرات ,, بس للدوام والزيارات العادية ممكن ناخذه لأنه خفيف ,, وهذي صورته ,,,
بعد توزيع البيس سواء باليد او بالاسفنج تترك البشرة لتجف لمدة دقيقتين او دقيقة لأنه البيس مو رطب مرة رح يجف على طول ..
ثالثاً : نستخدم كونسيلر لإخفاء الهالات حول العينين وتوحيد لون البشرة وأفضل مخفي عيوب بالنسبة لي هو فور ايفر للهالات السوداء بصراحة يخفيها مرررة وهذي صورته ,,
ويتم توزيعه بالريشة الخاص بالكونسيلر سواء من ماك أو البودي شوب .. أو أي ماركة انت ترتاحين لها وهاذي صورتها ..
بعد ذلك نقوم بتوزيع الكونسيلر الخاص بإخفاء الحبوب والعيوب في باقي الوجه واحسن مخفي عيوب لهالشيء من ماركة كريولان الباليت لأنه فيه درجات كثيرة تتيح لك التحكم بالتدرجات حسب لون الحبة او الشيء الي انت تبغين تخفينه ... بس حاولي ماتكثرين الطبقات لأنها لو كثرت رح تبين في البشرة وتصير ثقيلة ,,
(( أنا شريت منتجات ماركة كريولان الي قاعدة اتكلم عنها من الأخت الغالية اسبرانسا الله يوفقها ويسهل امرها حتى صور كريولان من عندها اتمنى تعذرني ))
رابعاً : توزيع كريم الأساس ,, وأفضل كريم أساس جربته من ماركة فور ايفر طبعاً فيه نوعين فيه نوع يناسب جميع انواع البشرة وهذا النوع صحيح انه حلو بس مشكلته دهني
وفيه نفس نوعيته لكن يستخدم للوجه والجسم في آن واحد وميزة هالنوع يجف بسرعة يعني ينفع يوضع على الصدر والظهر مايوسخ الملابس ,,
وفيه نوع ثاني اسمه FELVET MATE
وحلو مايترك اثر دهني على البشرة مجرب ..
وفيه نوع لتغطية أكبر وينفع للبشرة الدهنية حسب ماسمعت ,,
توزعي الأساس على البشرة مع مراعاة عدم التوزيع القوي للأماكن الي حطينا فيها كونسيلر عشان مايروح ,, وطبعاً توزيع الاساس يتم باستخدام الاسفنجة افضل في التوزيع واحسن اسفنجة جربتها اسفنجة ماك المدورة وفيه تجيك مقطعة بس مالقيت صورة المدورة اعذرونا..
خامساً : بعد ماوزعنا الأساس نتركه يجف دقيقتين ونحضر الباودر المضغوطة بالنسبة لي جربت باودر ريميل حلوة وخفيفة على البشرة وطبعاً الباودر لازم تكون افتح من الأساس بدرجة,, وتوزيع الباودر يكون بالطبطبة مو بالمسح لأن المسح رح يشيل الاساس والكونسيلر فأفضل شيء الطبطبة ....
سادساً : أصبح الوجه الآن جاهز لعمل الآي شادو ( ظل العيون ) طبعاً قبل مانبدأ بالشادو الأفضل وضع لوس باودر تحت العين بواسطة الفرشاة الكبيرة نضع كمية من الباودر تحت العين مباشرة حتى لا تتسخ هذه المنطقة بالشادو المتناثر ...
ووضع الباودر تحت العين عن طريق هالفرشاة
خطوات عمل الآي شادو ...
الخطوة الأولى :
نخفي شعر الحاجب الزائد عن طريق عجينة الحواجب او مايسمى بالواكس وانا جربت ماركة كريولان الشمع القلم بصراحة ماينفع بالنسبة لي حسيته ثقيل مرة واحس العين مسحوبة هذا غير انه وانا احط احس بألم بمنطقة الحاجب لأنه زي الصمغ فيجمع الشعر مع بعض بس يطلع الحاجب كأنه محروق ,, فأفضل طريقة جربتها تكلمت عنها واحدة من الأخوات اعتقد انها ام سارة وسيرين اذا ماخانتني الذاكرة ,,,,
وهي عن طريق عود الأذان نوزع قليل من كريم الجليسوليد الأحمر
مثل ما انتوا شايفين بالصورة ,,
الخطوة الثانية :
بعد كذا نحط الإضاءة فالمنطقة تحت الحاجب وأجمل اضاءة جربتها من بيل فيزاج طبعاً تجي منثورة بس مع الجليسوليد رح تلصق مباشرة ونستخدم الريشة هذي
ممكن نستخدم اضاءة فور ايفر مثل هالصورة أنا عندي ذهبي مرررة حلو بس ما اقدر احطه على الحاجب لأنه فاقع مرررة لكن لو كان فضي كان طلع خيال ..
عن طريق الطبطبة مانمسح بس نطبطب عشان ماينحاس الحاجب مع الجليسوليد ,,
الخطوة الثالثة ,,
بهالفرشاة ,,
نقوم بوضع الشادو الأحمر وفيه عندنا المائي او العادي المائي ارشح ماركة كريولان بصراحة جنااان والعادي احلى ماركة ولون الأحمر ناقع من فور ايفر بس ترى نقطة منه تكفي بتحوس الدنيا حوس ,,
يوضع على الجفن المتحرك وحوالي العين وخاصة الخط الفاصل بين الجفن المتحرك والثابت
وبعد ذلك نقوم بتوزيعه ودمجه مع الاضاءة حقة الحاجب
الخطوة الرابعة ,,
نستخدم الآي شدو الأسود الباودر او المائي من كريولان واكرر المائي من كريولان او بن ناي او شارمل يحتاج يد خفيفة وسريعة وشاطرة بالدمج ولا بيتلطخ الشغل كله وينحاس عليك ,,
ونحط الاسود على الجفن المتحرك وحوالي العين مثل الصورة ,,
بعد كذا ندمج الاسود عدل وندمجه مع الاحمر ويطلع بهالشكل ,,
الخطوة الخامسة ,,
نرسم الحاجب باستخدام قلم الحواجب ارشح قلم ريميل روووعة بمعنى الكلمة وفيه عنده نوعين جاف وكريمي والجاف احسن لأن الكريمي مع الحر يسيح هذا غير ان رسمته صعبة يتخربش معاك وينحاس شغلك ,,, وبعد كذا مشطي الحاجب باستخدام هالفرشاة
ويصير الحاجب مثل الصورة ,,
الخطوة السادسة ,,
نرسم الكحل الكريمي من ماك على اطراف العين بين الشعرات بهالفرشاة من ماك
الخطوة السابعة ,,
وباستخدام قلم كحل اسود واحلى كحل جاف جربته وسواده خطير مع انه يسيح شوي بس لونه شيء هو ماركة انجلوت INGLOT أعتقد كذا تكتب نحدد العين من الداخل وتصبح العين مثل الصورة
او ممكن نحدد العين باللون الأبيض مثل هالصورة
وممكن نحط عدسات سواء رمادية او عسلية ,,,
الخطوة الثامنة ,,
الماسكرا واحلى ماسكرا جربتها اف سالوران الذهبية بس الافضل ضد الماء لأن الي مو ضد الموية تسيح مع الحر ,, وكمان ماسكرا مايبلين اكس اكس ال ضد الماء وماسكرا ماكس فاكتور هذولا الثلاث لا يعلى عليهم ,,, احلى انواع جربتهم ,,,
الخطوة التاسعة ,,
نحط لمعة للعين وأفضل شيء هي الدايموند من فور ايفر وهذي صورته ,,
وتطلع العين واااااااااااااااااااااااااو ,,,
وأخيــــراً ,,
نشيل الباودر الي حطيناه تحت العين لحماية الاساس من تلطيخ الشادو ونشيله باستخدام هالفرشاة ,,
ونزيل البقايا بهذه ..
من الداخل للخارج ... وبعدها نحط البلاشر من الداخل للخارج بخط مائل وتوزع جيداً ,, ونحط اللمعة على الخدود والأنف واحلى لمعة جربتها من مايبلين صغيرونة مررررة كريمية تجننن واللمعة حلوة وخطيرة سعرها يمكن 35 ريال وفيه منها الوان احسن لون الي غطاها سكري ,,,
وفيه كمان لمعة بيل فيزاج موجودة عند محمود سعيد مضغوطة مرررة حلوة ولونها فضي توضع على الخدين اسفل العين وتوضع على خط الانف من الوسط لإعطاءه منظر رائع ومستقيم ,,, وبعدها نرسم الروج وفي هالميك اب ممكن نستخدم اللون الأحمر مثل هالصورة ,,
او اللحمي مثل الصورة ,, وهو الافضل لأن الشادو صارخ فلازم الروج يكون ناعم ...
نحط مثبت المكياج من كريولان ,,
وبجذيه انتهى الدرس ^_*
جربوآ وخبرونآ بالنتآيج..}
دمتم بود..
| |
|
البوابة 
أحدث الصور 
التسجيل 
دخول 